Información, Respostas, Ideas e Solucións
En Quadernas Consultoría ofrecemos aos nosos clientes solucións, respostas, ideas e información para os seus problemas, así como orientación e asesoramento sobre os aspectos que lle convén analizar e coñecer, a quen hai que preguntar e as ferramentas que hai que empregar.
Poñemos á súa disposición o sistema IRIS:
- Información sobre a súa situación de partida e a evolución posterior
- Respostas para as preguntas sobre os seus clientes ou os seus competidores
- Ideas para mellorar o seu funcionamento e os seus servizos
- Solucións para os problemas que se lle poidan presentar.
Cando aceptamos un proxecto, facémolo noso. Poñémonos na situación dos nosos clientes e formulámonos as mesmas cuestións:
→ Que aspectos convén analizar e coñecer?
→ Cales son as posibles fontes desa información?
→ Que ferramentas son as máis axeitadas para conseguila?
→ E finalmente: Como organizar eses datos a fin de optimizar ao máximo a información recollida?
Podemos xerar a información dende o principio, con enquisas, grupos de discusión ou entrevistas en profundidade.
Ou buscala en fontes secundarias para recompilar, sistematizar e redactar esa Información, esas Respostas, Ideas e Solucións no correspondente informe de diagnose e plan estratéxico de actuación.
